|
Post by selpahi on Sept 25, 2014 11:52:08 GMT
mi kansa lo lanzu be mi lo ka klama lo xirsazri torneio noi lo mensi be mi cu jivna so'i drata verba ki .i ca lo nu zvati cu nitcu lo ka ze'u denpa lo nu mulno .i ji'a no'e pluka tcima .i ku'i lo torneio pu zdile lo mensi be mi .i je lo nu go'i cu vajnyrai .i lo mensi cu gleki lo nu mi pu kansa ni'o ma voi ba'e do ki lifri ca lo cabdei .i ko morji lo du ro bavlamdei cu cnino cabdei (to ja'o ma'a kakne lo ka ce ca ro detydei su cnino cu cusku ! toi) ko catlu lo mi signature va'o lo nu do se cfipu tau lo mi jufra
|
|
|
Post by vacmurse on Oct 17, 2014 16:49:01 GMT
coi selpa'i mi se cinri lo nu fasnu pe le mensi be do .i xu le do mensi cu jinga le torneio .i ji'a xo verba ma noi nanca .i a'o lo mensi be do ba'e jo'u do pu se zdile
|
|
|
Post by selpahi on Oct 17, 2014 18:42:27 GMT
coi selpa'i mi se cinri lo nu fasnu pe le mensi be do .i xu le do mensi cu jinga le torneio coi la vacmurse .i lo mensi be mi cu jinga da ba'e fo lo torneio .i sa'e lo mensi cu 10moi lo jivna je ja'e bo cu jinga pa si'irvelne'u mi na djuno lo du lo verba cu nanca ma kau .i li ji'i pano .i remu verba cu jivna .i no'e zdile mi .i ku'i mi zvati te zu'e lo nu lo mensi be mi cu gleki ni'o xu ba'e do lifri su da poi do djica lo nu do tavla mi'a ki ?
|
|
|
Post by vacmurse on Oct 21, 2014 13:17:43 GMT
ua .u'u ki'esai
go'i .i mi djica tavla do zo'e bau la lojban.
za'a do cizra cusku zo su po'u zo so'u .i ki'ubo makau
|
|
|
Post by selpahi on Oct 21, 2014 15:39:10 GMT
go'i .i mi djica tavla do zo'e bau la lojban. za'a do cizra cusku zo su po'u zo so'u .i ki'ubo makau .u'i ĭe la'a cizra .i mi cusku zo su ki'u lo nu ri tordymau zo su'o noi lo nu nitcu cu mutce lo ka cafne (to ji'a ka'e tcidu fi mw.lojban.org/index.php?title=ce_ki_tau_jau toi) ni'o ta'o nai xu do lifri su da poi cinri je poi do djica lo nu ma'a casnu (to na nitcu lo ka pluja toi)
|
|
|
Post by vacmurse on Oct 27, 2014 16:22:32 GMT
mi ckire do lo cilre tertcidu .ije da'i la'a lo tolpluja casnu cu xagmau .i ku'i .uonai mi ca nintadni la lojban gi'e na certu .ija'ebo lo mi sejinvi cu pu'o jaxnalvai zo'oru'e .i a'osai mi cu bazi ba'o certu la lojban
ni'o xu do co'a ti'u makau cilre la lojban
|
|
|
Post by selpahi on Nov 13, 2014 22:42:07 GMT
ni'o xu do co'a ti'u makau cilre la lojban (to ta'o e'u do cusku «lu do co'a ma tadni la .lojban. li'u» ja «lu do ca ma co'a tadni la .lojban. li'u» ja «lu do de'i ma co'a tadni li'u» .i na mapti fa zo ti'u noi srana lo tcika .i ji'a ko cusku zo ma je nai «lu ma kau li'u» toi) ni'o mi de'i li 2009 co'a tadni .i ku'i mi ze'a ru'i nai sai tadni je so'o roi ze'u no'e tadni .i mi fi lo ka tadni cu pilno fe mu'a lo lisri poi la .xorxes. pu fanva .i je'u mi nelti'i fi ro da fe lo ka tcidu
|
|
ilmen
New Member
Posts: 17
|
Post by ilmen on Nov 13, 2014 23:00:04 GMT
zi ze'a carvi cafne .i ja'e bo rirxe braze'a je cladyze'a .i mi selpu'a lo ka tinju'i lo rirxe savru jo'u cu pensi kei .oinai se mu'i lo ka tinju'i stali cafne
|
|
durka
New Member
Posts: 2
|
Post by durka on Nov 22, 2014 6:57:20 GMT
ni'o ca lo cabdei mi ze'u so'i cacra cu zvati lo skeku'a bene'i lo mi ckule be'o noi na se canko uinairu'e .i mi sampla jecu sampla jecu cikre uisai pa cfila .iji'a mi jo'u lo mi zukti'i cu se nunjmaji .ibabo mi kansa ui fi lo nu vacysai bu'u lo gusta kei fe lo pendo noi mi ze'u so'o masti na jikca
|
|
tsani
New Member
Posts: 2
|
Post by tsani on Dec 5, 2014 21:42:53 GMT
ni'o mi ca lo cabdei zo'u lo se jibri be tau lo kibro cu vitke mi lo zdani mu'i lo nu .ei cnegau lo mi zdani lo ka ta'i makau zo'u kibro jorne .i ca ku lo kagni zo'u mi'o pilno la .bel. i ku'i by malcai .i pleji dukse bilga .i je lo nu kibro pilno dukse cu se jalge lo nu .ei .ekstra pleji carmi .i la'e di'u cu se tolnei mi'a noi kibrntorento mutce .i la'o gy Montreal DSL gy basti la .bel. sei mi'a cuxna .i my zo'u na bilga co pleji mutce va'o lo nu pilno dukse .i ji'a ca lo cerni co'a tau li re co'u tau li bi lo se kibycpa cu na se merli .i va'i cimni lo ka kibycpa kei ca lo bi'u nai temci ni'o ba ku mi sampla ze'i ku fau lo nu zdakemkulgu'a .i .ei finti lo uebre .i pukmau lo so'i pu se zdakemkulgu'a be mi .i ku'i na je'a pluka .i mu'i bo mu'a .ei pilno la .perl. noi ki mi tolmle sei carmi .i ba lo nu dormijysai citka mi klama lo farmaki'o te zu'e lo nu te vecnu lo krevi'u kruji .i ca lo nu xruti tau lo zdani fi'o se bevri ky kei mi facki lo du'u lo drata pu ba'o te vecnu .i ja'e bo lo nu ba'e mi te vecnu cu nonselmu'i ni'o lo nu krevi'u cu vajni ca lo cabdei .i mu'i bo lo pampe'o mi vitke lo zdani .i ca ku mi zvati lo dinju noi bu'u ki py. te nunctu
|
|